♦ ఎన్నికల్లో ఓడినా వెనకడుగు వేయని బీఆర్ఎస్.. సుజాతనగర్ ముస్లింల హామీ నెరవేర్చిన చింతలపూడి పార్వతి-జగన్
♦ కబ్రస్థాన్ ప్రహరీ గోడకు రూ.10 లక్షలు మంజూరు: ఎంపీ రవిచంద్రకు ముస్లిం సమాజం కృతజ్ఞతలు.
♦ మాట తప్పని బీఆర్ఎస్.. వారం రోజుల్లో ప్రారంభం కానున్న సుజాతనగర్ కబ్రస్థాన్ పనులు
♦ భద్రాద్రి కొత్తగూడెం: ముస్లిం సోదరుల దశాబ్దాల కల సాకారం.. ఎంపీ నిధుల విడుదల పత్రం కలెక్టర్కు ఫార్వర్డ్
భద్రాద్రి కొత్తగూడెం జిల్లా కొత్తగూడెం నియోజకవర్గం పరిధిలోని సుజాతనగర్ కార్పొరేషన్ 22వ డివిజన్కు చెందిన ముస్లిం సోదరుల దశాబ్దాల నిరీక్షణకు తెరపడింది. స్థానిక ముస్లిం కబ్రస్థాన్ ప్రహరీ గోడ నిర్మాణం, ఇతర అవసరాల కోసం రాజ్యసభ సభ్యులు (MP) వద్దిరాజు రవిచంద్ర గారి నిధుల నుంచి రూ.10 లక్షలు మంజూరయ్యాయి.
గత కార్పొరేషన్ ఎన్నికల ప్రచారంలో భాగంగా, బీఆర్ఎస్ పార్టీ తరఫున 22వ వార్డు అభ్యర్థిగా పోటీ చేసిన శ్రీమతి చింతలపూడి పార్వతి మరియు జగన్ ముస్లిం మైనారిటీల సమస్యలను అడిగి తెలుసుకున్నారు. ఆ సమయంలో స్థానిక ముస్లిం సోదరులు కబ్రస్థాన్కు రక్షణ గోడ లేక ఇబ్బందులు పడుతున్నామని, ప్రహరీ నిర్మాణం చేపట్టాలని వారి దృష్టికి తీసుకెళ్లారు.
ముస్లిం సోదరుల విజ్ఞప్తిని పరిగణనలోకి తీసుకున్న చింతలపూడి జగన్ దంపతులు, ఆనాటి ఎన్నికల ఇన్చార్జి, రాజ్యసభ సభ్యులు వద్దిరాజు రవిచంద్ర గారికి ఇక్కడి సమస్యల తీవ్రతను వివరించారు. దీనిపై సానుకూలంగా స్పందించిన ఎంపీ, ఎన్నికల ఫలితాలతో సంబంధం లేకుండా త్వరలోనే తన సొంత నిధుల నుంచి కబ్రస్థాన్ ప్రహరీ గోడకు నిధులు కేటాయిస్తానని హామీ ఇచ్చారు.
ఆనాడు ఇచ్చిన మాట ప్రకారమే నేడు సుజాతనగర్ కబ్రస్థాన్ అభివృద్ధికి రూ.10 లక్షల నిధులను మంజూరు చేస్తూ ఎంపీ వద్దిరాజు రవిచంద్ర ఉత్తర్వులు జారీ చేశారు. ఇందుకు సంబంధించిన అధికారిక నిధుల మంజూరు పత్రాన్ని తదుపరి చర్యల కోసం భద్రాద్రి కొత్తగూడెం జిల్లా కలెక్టర్కు ఫార్వర్డ్ చేయడం జరిగింది.
రాజ్యసభ సభ్యులు పంపిన ఆ నిధుల మంజూరు లేఖను శుక్రవారం నాడు బీఆర్ఎస్ పార్టీ స్థానిక నాయకులు, చింతలపూడి జగన్ కలిసి సుజాతనగర్ ముస్లిం మత పెద్దలకు ఆనందోత్సాహాల మధ్య అందజేశారు. అన్ని పరిపాలనా అనుమతులు పూర్తయ్యాయని, వారం రోజుల్లోనే కబ్రస్థాన్ ప్రహరీ నిర్మాణ పనులు అధికారికంగా ప్రారంభమవుతాయని ఈ సందర్భంగా ప్రకటించారు.
ఎన్నికల్లో ఓటమి ఎదురైనా సరే, ముస్లిం మైనారిటీలకు ఇచ్చిన హామీని బీఆర్ఎస్ పార్టీ నాయకత్వం అంకితభావంతో నిలబెట్టుకోవడం విశేషం. సుజాతనగర్ మండల బీఆర్ఎస్ పార్టీ శ్రేణులు, స్థానిక నాయకులు చింతలపూడి పార్వతి-జగన్ ఈ సందర్భంగా ముస్లింల సంక్షేమం పట్ల తమకున్న నిబద్ధతను చాటుకున్నారు.
ఈ నిధుల విడుదలతో సుజాతనగర్ ముస్లిం సమాజంలో హర్షాతిరేకాలు వ్యక్తమవుతున్నాయి. సుజాతనగర్ మసీద్ ముతవల్లి, ప్రముఖ ముస్లిం పెద్దలు డాక్టర్ అనీష్ గారితో పాటు స్థానిక ముస్లిం సోదరులందరూ తమ సమస్యను తీర్చినందుకు ఎంపీ వద్దిరాజు రవిచంద్ర గారికి, అలాగే ప్రత్యేక కృషి చేసిన చింతలపూడి జగన్ దంపతులకు హృదయపూర్వక ధన్యవాదాలు తెలియజేశారు.
ఈ నిధుల పత్రాల అందజేత కార్యక్రమంలో బీఆర్ఎస్ పార్టీ సుజాతనగర్ మండల అధ్యక్షులు లావుడ్యా సత్యనారాయణ, పెద్దమల్ల నరేంద్ర ప్రసాద్, చింతలపూడి జగన్, మండే చంటి, ఎస్కే బాబా, ఎస్కే బనగీ సాబ్, ఎస్కే షర్ఫుద్దీన్, చింతల ప్రదీప్, పులి వెంకటేష్లతో పాటు పలువురు ముస్లిం పెద్దలు, పార్టీ కార్యకర్తలు పెద్ద సంఖ్యలో పాల్గొన్నారు.